Кунцаўшчына: за чытанне твораў на беларускай мове можна атрымаць смартфон

2699
Такую ўзнагароду абяцаюсь 5 лепшым чытачам. Ёсць за што змагацца.

Юрый Жыгамонт
 
15 лютага ў гімназіі №4 (вул. Кунцаўшчына, 18) адбудзецца рэгіянальны фінал рэспубліканскага конкурсу юных чытачоў «Чытаем па-беларуску з velcom» у Мінску.
 
Па выніках першага этапа было выбрана 30 лепшых удзельнікаў, якія ў гэты раз будуць выступаць перад журы і гледачамі. 5 лепшых чытачоў атрымаюць смартфоны, а таксама іх запросяць на рэспубліканскі фінал праекта, які адбудзецца ў траўні.
 
У склад журы рэгіянальнага фінала ўвайшлі: пісьменнік, галоўны рэдактар дзяцячага часопіса «Вясёлка» Уладзімір Ліпскі, пісьменніца Раіса Баравікова, акцёр і тэлевядучы Юрый Жыгамонт, метадыст дзяржаўнай установы адукацыі «Мінскі гарадскі інстытут развіцця адукацыі» – Інна Багамольцава, кіраўнік аддзела карпаратыўных камунікацый кампаніі velcom – Вячаслаў Смірноў. Таксама ў саставе журы будзе тайны госць. Хто гэта? Даведаемся ўжо на мерапрыемстве. 
 
Мерапрыемства адбудзецца 15 лютага па адрасе: вул. Кунцаўшчына, 18 (гімназія № 4).
Пачатак мерапрыемства: 12:00
Пачатак рэгістрацыі: 11:30
 
 
«Чытаем па-беларуску з velcom» – гэта сацыяльна-адукацыйны праект, які праводзіцца кампаніяй velcom пры падтрымцы Міністэрства адукацыі Рэспублікі Беларусь. Мэта праекта – адкрыць для вучняў свет беларускай літаратуры па-новаму, а таксама выкарыстаць магчымасці сацыяльных сетак для адукацыі.
На працягу 2 з паловай месяцаў удзельнікі конкурсу запісвалі відэа, на якіх яны чытаюць творы са школьнай праграмы па беларускай літаратуры. Школьнікі з усёй Беларусі даслалі на конкурс 2048 відэа агульнай працягласцю больш за 45 гадзін. У сацыяльных сетках гэтыя ролікі набралі ўжо больш за 700 000 праглядаў.
З лютага па красавік 2018 года пройдуць рэгіянальныя фіналы. Па іх выніках пяцёра лепшых ад кожнага рэгіёну будуць узнагароджаны сучаснымі смартфонамі і атрымаюць магчымасць пазмагацца за перамогу ў вялікім рэспубліканскім фінале. 
 







Дорогие читатели и случайные посетители blizko.by!

В связи с новым постановлением Совмина «Положение о порядке предварительной идентификации пользователей интернет-ресурса, сетевого издания» мы временно отключили возможность комментирования. Нам понадобится некоторое время, чтобы сделать общение на нашем сайте максимально комфортным для вас.

Не беспокойтесь, очень скоро все будет готово!
Другие новости Кунцевщины




Каталог Кунцевщины


Кунцевщина